background

ქართული ტრადიციული საგალობლების ხელნაწერთა ბაზა

საქართველოს ფოლკლორის სახელმწიფო ცენტრის ქართული ტრადიციული გალობის მიმართულების ინიციატივითა და ორგანიზებით 2015-16 წლებში განხორციელდა უნიკალური პროექტი, რომელიც ითვალისწინებდა საქართველოს სხვადასხვა ორგანიზაციისა თუ კერძო არქივებში დაცული ქართული საგალობლების ძველი სანოტო ხელნაწერების სრულად გაციფრებასა და ვებგვერდზე განთავსებას.


პროექტის მიზანია მკვლევართა და მუსიკოს-შემსრულებელთა ფართო წრეებისათვის ჩვენი უნიკალური საგანძურის ხელმისაწვდომობის უზრუნველყოფა და ზოგადად, ქართული მრავალხმიანობის აღდგენა, გავრცელება და ქართული მუსიკალური კულტურის პოპულარიზება. დღეისათვის აშკარაა, როგორც ქართველ, ისე უცხოელ მუსიკოსთა და მეცნიერთა განსაკუთრებული ინტერესი ძველი ქართული სიმღერა-გალობის მიმართ. ჩვენი კულტურის განვითარება-პოპულარიზების ეს პროცესი დიდი ხნის მანძილზე ფერხდებოდა იმის გამო, რომ აღნიშნული სანოტო ხელნაწერები ფართო საზოგადოებისათვის მიუწვდომელი იყო.


ორი წლის განმავლობაში კორნელი კეკელიძის სახელობის საქართველოს ხელნაწერთა ეროვნული ცენტრისა და საქართველოს ეროვნული არქივის (სულ 24 000-მდე გვერდი) მასალები გაციფრდა. რაც შეეხება საქართველოს ფოლკლორის სახელმწიფო ცენტრის ხელნაწერ წიგნებს (2 600-მდე გვერდი), ისინი 2010 წლამდე ფოლკლორის ცენტრის არქივის სამსახურის მიერ დასკანირდა და ორგანიზაციის მონაცემთა ბაზის პროგრამაში აიტვირთა. სულ, წინამდებარე ვებგვერდზე საგალობლების 27 000-მდე გვერდი ხელნაწერია PDF და ZIP ფორმატით განთავსებული. თითოეულ ხელნაწერ წიგნს ანოტაციების ფაილიც ახლავს თან.


გარდა სხვადასხვა ორგანიზაციებში დაცული მასალებისა, ვებგვერდი ითვალისწინებს კერძო კოლექციებში დაცული მასალების განთავსებასაც. ამ ეტაპზე, მონაცემთა ბაზაში განთავსებულია დავით მოლოდინაშვილის კრებულიც (111 გვერდი) ლუარსაბ ტოგონიძის პირადი არქივიდან.


პროექტის ფინანსური მხარდამჭერები არიან საქართველოს განათლების, მეცნიერების, კულტურისა და ძეგლთა დაცვის სამინისტრო და საქველმოქმედო ფონდი „ქართული გალობა“. გარდა ამისა, საქართველოს ეროვნული არქივის მასალები სრულიად უფასოდ, ხოლო ხელნაწერთა ეროვნული ცენტრის მასალები მინიმალური ტარიფით გაციფრდა, რისთვისაც, ორგანიზაციების იმჟამინდელ ხელმძღვანელებს: თეონა იაშვილსა და ბუბა კუდავას განსაკუთრებულ მადლობას ვუხდით.


პროექტი არაკომერციულია და მასალის უფასოდ ხელმისაწვდომობას ითვალისწინებს. მასალის გამოყენების შემთხვევაში დაიცავით საავტორო უფლებები.


 

ხელნაწერთა ბაზაზე გადასვლა



საქართველოს ფოლკლორის სახელმწიფო ცენტრი:

  • ხელნაწერი #2099 PDF | ZIP

  • ხელნაწერი #2100 PDF | ZIP

  • ხელნაწერი #2101 PDF | ZIP

  • ხელნაწერი #2106 PDF | ZIP

  • ხელნაწერი #2110 PDF | ZIP

  • ხელნაწერი #2111 PDF | ZIP

  • ხელნაწერი #2112 PDF | ZIP

  • ხელნაწერი #2113 PDF | ZIP

  • ხელნაწერი #2114 PDF | ZIP

  • ხელნაწერი #2120 PDF | ZIP

  • ხელნაწერი #2121 PDF | ZIP

  • ხელნაწერი #2122 PDF | ZIP

  • ხელნაწერი #2123 PDF | ZIP

  • ხელნაწერი #2124 PDF | ZIP

  • ხელნაწერი #2125 PDF | ZIP

  • ხელნაწერი #2126 PDF | ZIP

  • ხელნაწერი #2127 PDF | ZIP

  • ხელნაწერი #2128 PDF | ZIP


 

კ. კეკელიძის სახელობის საქართველოს ხელნაწერთა ეროვნული ცენტრი:

Q ფონდი:

H ფონდი:

ფონდი „სხვადასხვა“:

 

კარბელაშვილების ხელნაწერები:

 

საქართველოს ეროვნული არქივი:

 

სხვადასხვა:

  • ლ. ტოგონიძის პირადი არქივიდან: დავით მოლოდინაშვილის კრებული PDF | ZIP