მგალობელ-მომღერალთა გუნდი „დიდგორი“ 2004 წელს დაფუძნდა. მასში გაერთიანდნენ ქართული ხალხური სიმღერის ახალგაზრდა შემსრულებლები. ანსამბლის შემოქმედების პრინციპული მიმართულებაა ძველი ხალხური სიმღერების მოძიება და მისი საშემსრულებლო ხასიათის საფუძვლიანი შესწავლა. ამ საქმეში გუნდის წევრებს უდიდეს დახმარებას უწევს ძველი საარქივო ჩანაწერები.
ანსამბლი მრავალჯერ გამოვიდა ქართული ხალხური სიმღრების მოყვარული აუდიტორიის წინაშე არა მარტო დედაქალაქში, არამედ საქართველოს სხვადასხვა კუთხეებში გამართულ ღონისძიებებზე. 2008 წლის სექტემბერში ანსამბლმა ფოლკლორის მე-4 საერთაშორისო სიმპოზიუმში მიიღო მონაწილეობა.
ანსამბლი შილდა ღვინის კომპანია შილდასა და ფონდ ქართული გალობის ინიციატივით კახეთში 2017 წელს შეიქნმა. ანსამბლში კახეთის სხვადასხვა რაიონის ნიჭიერი ახალგაზრდები მღერიან.
ანსამბლის მთავარი მიმართულება კახური სიმღერის უცნობი ვარიანტების გაცოცხლება და მომავალი თაობისთვის გადაცემაა.
ანსამბლი წარმატებით მართავს ფოლკლორულ კონცერტებს როგორც საქართველოში, ასევე მის ფარგლებს გარეთ.
შილდას გამოცემული აქვს ერთი აუდიო ალბომი. ამჟამად ანსამბლი მეორე ალბომზე მუშაობს, რომელშიც შევა მხოლოდ კახური სიმღერის უძველესი შილდური ვარიანტები.
ანსამბლის ხელმძღვანელები არიან ბექა და გოჩა ბიძინაშვილები, რომლებმაც დაამთავრეს თბილისის გიორგი მთაწმინდელის სახელობის ქართული საეკლესიო გალობის უმაღლესი სასწავლებელი.
პროექტი ხალხური საღამოები შემოქმედებითი საქართველოს მხარდაჭერით ხორციელდება და 10 ოქტომბრიდან 30 ნოემბრამდე გაგრძელდება.
