შავი ზღვის ფოლკლორის საერთაშორისო ფესტივალი ტრადიციულად  შავიზღვისპირეთში ჩატარდა და  წელს, გურიასთან ერთად,  აჭარამაც უმასპინძლა. კონცერტები 31 აგვისტოს და  1 სექტემბერს, ბათუმსა და შეკვეთილში გაიმართა, ხოლო 2 სექტემბერს გრანდიოზული გალა კონცერტით „ბლექ სი არენაზე“ დასრულდა.  ფესტივალი, რომლის ავტორი და ორგანიზატორი ფოლკლორის სახელმწიფო ცენტრია,  Black Sea Arena-ს,  ,,Check in Georgia"-სა და კულტურის სამინისტროს მხარდაჭერით ჩატარდა.

წელს ფესტივალი სამ დღის განმავლობაში გაგრძელდა და 7 ქვეყანას უმასპინძლა.  მაყურებლის წინაშე ესპანეთის, იტალიის, პოლონეთის, უკრაინის, სომხეთის, თურქეთისა და საქართველოს ფოლკლორული ანსამბლები წარსდგნენ და თავიანთი ქვეყნის უნიკალური ხალხური ტრადიციები, სიმღერითა და ცეკვით წარმოადგინეს.