მონაწილეებთან პირველი შეხვედრა კულტურის, სპორტისა და ახალგაზრდობის მინისტრმა გამართა. თეა წულუკიანი ფესტივალის მონაწილეებს გაეცნო და პროექტის მიზნებზე ესაუბრა.
შეხვედრის შემდეგ მონაწილეები ახალციხეში გაემგზავრნენ. მოინახულეს საფარის მონასტერი , სადაც ქართული საგალობლები შეასრულეს.
საღამოს კი ფოლკლორის სახელმწიფო ცენტრის დირექტორის გიორგი დონაძის მასტერკლასი გაიმართა.
კულტურის, სპორტისა და ახალგაზრდობის სამინისტროს მხარდაჭერით და ანზორ ერქომაიშვილის სახელობის ფოლკლორის სახელმწიფო ცენტრის ორგანიზებით , საერთაშორისო ფესტივალი 18 -22 სექტემბერს, ახალციხესა და თბილისში ჩატარდება.
დიდი ბრიტანეთის, ფინეთის, ნიდერლანდების, იტალიის და ბელგიის წარმომადგენლები წლებია ქართულ ხალხურ სიმღერებს სწავლობენ და ასრულებენ.
უცხოელებთან ერთად ფესტივალში მონაწილეობენ ქართული ანსამბლები :
იალონი, მარგალიტი, ლალხორი, ბასიანი, დიდგორი, ადილეი, შილდა, მესხეთი, ბორჯომი და ახალციხის სალოტბარო სკოლა.
19 სქტემბერს ახალციხის ციხეზე ერთობლივი კონცერტი გაიმართება. მონაწილეები თბილისში 20 სექტემბერს დაბრუნდებიან.