ფოლკლორის საერთაშორისო ფესტივალი საქართველოს მესამე დღე ბარაკონის ღვთისმშობლის ტაძარის მონახულებით გაგრძელდა. ფესტივალის უცხოელმა და ქართველმა მონაწილეებმა ხუროთმოძღვრული ძეგლი დაათვალიერეს და შეასრულეს თავიანთი ქვეყნის ტრადიციული საგალობლები.

ქალაქ ონში გიგა ჯაფარიძის სახელობის კულტურის სახლში სამეცნიერო კონფერენცია ეთნომუსიკოლოგების: ნატალია ზუმბაძის (საქართველო), პოლო ვალიეხოსა (ესპანეთი) და რენატო მორელის (იტალია) მონაწილეობით ჩატარდა.

 

 

 

მოეწყო გამოყენებითი ხელოვნების ოსტატთა გამოფენა – გაყიდვა, საფესტივალო მსვლელობა მოსახლეობის და ანსამბლების მონაწილეობით.

სამდღიანი ფოლკლორის საერთაშორისო ფესტივალი საქართველო ონის ცენტრალურ მოედანზე საზეიმო კონცერტით დაიხურა. მონაწილეობდნენ ანსამბლები: სუ კუნკორდუ – სარდინია (იტალია); სპარტიმუ – კორსიკა (საფრანგეთი); კონიაკუვი (პოლონეთი); აჩკუპსი (ლატვია); რაჭა, ბუბა, ბერელიძეების საოჯახო ანსამბლი, ონის სალოტბარო სკოლა (რაჭა); ბასიანი (თბილისი); შალვა ჩემო (გურია); ლილე (სვანეთი), შილდა (კახეთი), ლირა, კრწანისი (საქართველოს უსინათლოთა კავშირი); ფესვები (აჭარა).
ფესტივალი ონელი მსმენელისთვის ეთნოჯაზჯგუფ ეგარის კონცერტით გაგრძელდა.

 

 

 

 

 

 

 

 

 

 

 

 

ღონისძიების ბოლოს ანსამბლებმა რაჭული სიმღერა ქვედრულა შეასრულეს

ფოლკლორის სახელმწიფო ცენტრის ინიციატივით წელს მესამედ ფოლკლორის საერთაშორისო ფესტივალი – „საქართველო“ გაიმართა.
ფესტივალის ფარგლებში ქართული (აჭარა, გურია, რაჭა, კახეთი, სვანეთი, ლეჩხუმი) და უცხოური (საფრანგეთი, იტალია, ლატვია, პოლონეთი) ანსამბლების ერთობლივი კონცერტები ბლექ სი არენასა და რაჭაში – ამბროლაურსა და ონში გაიმართა.



საფესტივალო მსვლელობა ონში – ვიდეო