4 ივნისს, 19:00 საათზე თელავის სახელმწიფო თეატრში საზეიმოდ გაიხსნება საქართველოს ფოლკლორის ეროვნული ფესტივალი - 2015-2016. კონცერტში მონაწილეობას მიიღებენ: ,,საქართველოს ნაციონალური ბალეტი - სუხიშვილები", ,,რუსთავი", ,,ერისიონი", ,,ბასიანი",  ,,წინანდალი", პოეტი და ფოლკლორისტი ეთერ თათარიძე.

საქართველოს ფოლკლორის სახელმწიფო ცენტრი, საქართველოს კულტურისა და ძეგლთა დაცვის სამინისტროს მხარდაჭერით, ატარებს ,,საქართველოს ფოლკლორის ეროვნულ ფესტივალს - 2015-2016".

ფესტივალზე წარმოდგენილი იქნება: ხალხური სიმღერა და ცეკვა, საკრავიერი მუსიკა, ტრადიციული საეკლესიო გალობა, ზეპირსიტყვიერება, სახვითი და გამოყენებითი ხელოვნება, საქართველოში მცხოვრები ყველა ეთნოსისა და ეთნიკური ჯგუფის ფოლკლორი.

ფესტივალი მოიცავს რეგიონულ-შესარჩევ (2015 წელი) და დასკვნით ტურებს (2016 წელი).

ფესტივალის პირველი, შესარჩევი ტური ჩატარდება:

კახეთი, თელავი - 5-7 ივნისი

სამეგრელო - ზემო სვანეთი, ზუგდიდი - 14-17 ივნისი

რაჭა-ლეჩხუმი-ქვემო სვანეთი, ამბროლაური - 30 ივნისი-2 ივლისი

სამცხე-ჯავახეთი, ახალციხე - 8-10 ივლისი

მცხეთა-მთიანეთი, დუშეთი - 13-15 ივლისი

 

ფესტივალის მონაწილეთა რეგისტრაცია მიმდინარეობს ადგილობრივ მუნიციპალიტეტებში.