ია კარგარეთლი - 150
დღეს, 20 ივნისს ილიას სახელმწიფო უნივერსიტეტში გაიმართა ცნობილი კომპოზიტორის, ფოლკლორისტის, მომღერლის, საზოგადო მოღვაწის ია კარგარეთელის 150 წლისთავისადმი მიძღვნილი ღონისძიება. ია კარგარეთელის ცხოვრებისა და მოღვაწეობის შესახებ მოხსენება წაიკითხეს: ფოლკლორის სახელმწიფო ცენტრის, ხალხური სიმღერისა და საკრავების სახელმწიფო მუზეუმის, ეროვნული ბიბლიოთეკისა და ხელოვნების სასახლის სპეციალისტებმა. ღონისძიებაში ასევე მონაწილეობდნენ ილიას სახელმწიფო უნივერსიტეტის ხალხური სიმღერის სტუდენტური გუნდი, გიორგი მთაწმინდელის სახელობის გალობის უმაღლესი სასწავლებლის სტუდენტური ანსამბლი, გორისა და კასპის სალოტბარო სკოლის მოსწავლეები; ფოლკლორული ჯგუფები: ,,მჭელი", ,,ელეონი", ,,იალონი".
