26 ივნისს საქართველოს ფოლკლორის სახელმწიფო ცენტრის „გალერეაში“ გაიხსნება ქეთევან შარაბიძის, ირინა ჯანელიძისა და ნანა მეტივიშვილის ნამუშევრების პერსონალური გამოფენა: „თანამედროვე დეკორატიული ხელოვნება“.
სამივე ავტორი არაპროფესიონალი მხატვარია - პოპ-არტის მიმდევარი (დაამთავრეს საქართველოს პოლიტექნიკური ინსტიტუტის ავტომატიკისა და გამოთვლითი მექანიკის ფაკულტეტი). მხატვრთა მიერ გამოფენაზე წარმოდგენილი 150-მდე ექსპონატიც შექმნილია თანამედროვე ინტერპრეტაციით: ხელოვნებას მიეკუთვნება ყველაფერი რაც არაბუნებრივი წარმოშობისაა და შექმნილია შემოქმედის, მხატვრის, ხელოვანის მიერ.
პოპ-არტი, როგორც პოპულარული - ვიზუალური - ხელოვნების მიმდინარეობა, წარმოიშვა ბრიტანეთში, გასული საუკუნის 50-იან წლებში და სწრაფად გავრცელდა მთელ მსოფლიოში. პოპ-არტის საბჭოთა ანალოგი იყო სოც-არტი.
პოპ-არტის მიმდევართა დევიზი იყო და არის: „ხელოვნების ნიმუში ყველასათვის“. ამიტომაც ექსპონატები შექმნილია გაზეთებიდან, ჟურნალებიდან, სარეკლამო ეტიკედებიდან ამოჭრილი გამოსახულებებით, შეწებებულია სხვადასხვა ნივთი და შექმნილია კოლაჟი.
დასაწყისი 19:00 საათზე
გამოფენა 7 ივლისს დაიხურება
