2018 წლის 19 მარტს საქართველოს ფოლკლორის სახელმწიფო ცენტრის საგამოფენო დარბაზში გაიმართება აჭარის ავტონომიური რესპუბლიკის ქედის მუნიციპალიტეტის სოფელ მერისის ფოლკლორულ ანსამბლ „მოყვარეს“ პირველი აუდიოალბომის პრეზენტაცია (საექსპედიციო ჩანაწერები). გამოცემა ეძღვნება ქართული ფოლკლორის მოამაგეს, ანსამბლის უხუცეს წევრსა და ლოტბარს, თურმანიძეთა მომღერალი გვარის ტრადიციების ღირსეულ გამგრძელებელსა და დიდი ოჯახის უფროსს - ამირან თურმანიძეს.
აუდიოდისკი ჩაიწერა და გამოსაცემად მოამზადა საქართველოს ფოლკლორის სახელმწიფო ცენტრმა: ხმის რეჟისორი - არჩილ ბურჭულაძე, დიზაინერი - გიორგი დემტრაშვილი; შემოქმედებითი ჯგუფი - ნანა ვალიშვილი, ბაია ასიეშვილი, თეა კასაბური.
პრეზენტაციაზე ანსამბლი „მოყვარე“ შეასრულებს სიმღერებს აუდიოალბომიდან.
დასაწყისი 19:00 საათზე